recent
أخبار ساخنة

شرح لطريقة استلام القواعد المنفصلة لأصحاب المشاريع ولطلبة الهندسة

 شرح لطريقة استلام القواعد المنفصلة لأصحاب المشاريع ولطلبة الهندسة . ده عنوان موضوعنا اليوم ازاى استلم القواعد المنفصلة فى الموقع .الموضوع بيهم أصحاب المشاريع وطلبة الهندسة . قبل مانشوف مع بعض الطريقة والملاحظات ,طبعا قبل عمل القواعد المسلحة بتكون القواعد العادية مصبوبه فى الموقع وبعدها بيبتدى النجار يجهز الجناب للقواعد المسلحة ويصندقها ويركبها فى مكانها , وبعدين ينزل الحداد وراه حديد التسليح اللى جهزه وفقا للمخططات الانشائية للاساسات . 

شرح لطريقة استلام القواعد المنفصلة لأصحاب المشاريع ولطلبة الهندسة
شرح لطريقة استلام القواعد المنفصلة لأصحاب المشاريع ولطلبة الهندسة

طريقة استلام القواعد المنفصلة لأصحاب المشاريع ولطلبة الهندسة

أنت بقى كمهندس أو كصاحب أحد المشاريع بتنزل تشيك على ايه فى لموقع بعد تجهيز القواعد المنفصله نجارة وحدادة

استلام النجارة المسلحة للقواعد المنفصلة

اول حاجة فى نجارة القواعد تربيع القاعدة وبنتأكد من طول وعرض القاعدة ومطابقة مقاساتها للشوب دروونج او المخططات الانشائية للاساسات.وبنتأكد ايضا من تأكيس القاعدة يعنى بتأكد منمكان القاعدة بالنسبة للاكسيين الطولى والعرضى , وطبعا الاكسات دى بيكون المساح منزلها فى بداية شغل النجار.
بعد التأكد من تربيع القاعدة والتأكيس للقاعدة نبتدى نشيك على ارتفاع القاعدة وطبعا لازم نتأكد من التقويات بعد تركيب الحديد ونتأكد من عوارض التجميع والحبس العلوي عشان ضغط الخرسانة مايفتحش الجنب للقاعدة.

استلام النجارة المسلحة للسملات

بتأكد من عرض السملات وارتفاعها والتقويات واشد خيطان للتاكد من استقامة السملات
وبعد مااستلمت ابعاد القواعد والتأكيس بتاعها وعرض السملات وشديت خيطان واتأكدت من الاستقامة والتقويات .

استلام حديد تسليح القواعد المسلحة والسملات

اول حاجة تبدأ تتأكد من حديد الفرش حسب ما حنلاقيه فى المخططات مثلا 7 فى المتر بنحسب عدد الاسياخ ونزود سيخ بادى وطبعا لازم نتأكد من طول زاوية السيخ . ونكررالخطوه دى مع حديد الغطا .
وبعد كده نشيك على تركيب البسكوت 7سم عشان الكفر بيحمى حديد التسليح من الصدأ لان الاساسات بتكون ملامسه للتربه ومعرضه للاملاح والكبريتات .
بعد مااستلمت حديد القواعد بتأكد من تربيط الاسياخ والتربيط هنا بيكون شطرنجى يعنى سيخ وسيخ .
بعد كده ببتدى اشوف حديد السملات وبتأكد من العدد والقطر واتاكد ان الحديد مستمر فوق العمود الطرفى بالكامل وواخد زاويه عشان البوند مع الخرسانة .
وبعدين نشيك على  حديد اشاير الاعمدة العدد والقطر وطول الاشاره والتحطيط وعدد الكانات وضرورة تركيب كانة عيون للاشاير عشان نبعد عن الترحيل للحديد وبالتالى للعمود .
بعد كده بتأكد من نظافة القواعد وخلوها من النشارة والطفش واسلاك التربيط .
وبكده نكون جاهزين للصب .
شاهد فيديو شرح لطريقة استلام القواعد المنفصلة لأصحاب المشاريع ولطلبة الهندسة




google-playkhamsatmostaqltradent