recent
أخبار ساخنة

طريقة عمل باك لينك للموقع ومدونة بلوجر | تصدر نتائج البحث جوجل 2022

طريقة عمل باك لينك للموقع ومدونة بلوجر و تصدر نتائج البحث جوجل 2022 هذا الموضوع من أهم دروس السيو لو انت عندك موقع او مدونة على بلوجر وعايز تحسن موقعك عشان تصدر نتائج البحث جوجل فأنصحك بقراءة هذا المقال . حنتعرف فيه على طريقة عمل باك لينك لموقعك بطرق شرعية لإفادة موقعك حتى تصدر نتائج البحث جوجل .

موضوع المقال عن الباك لينك backlink  حنعرف مع بعص يعنى ايه باك لينك وازاى اعمل باك لينك بطريقة صحيحة وبدون مخالفات عشان احسن من ظهور موقعى فى محركات البحث واحسن من من سيو مدونتي حتى تصدر نتائج البحث جوجل . وحنتعرف على انواع الباك لينك .

طريقة عمل باك لينك للموقع ومدونة بلوجر | تصدر نتائج البحث جوجل 2022
طريقة عمل باك لينك للموقع ومدونة بلوجر | تصدر نتائج البحث جوجل 2022

يعني ايه باك لينك وازاي يساعد على تصدر نتائج البحث جوجل

الباك لينك ببساطة هو ان الموقع او المدونة بتاعتك بتكون مربوطة بمواقع اخرى ومقالات اخرى . عن طريق السيو الخارجي او الروابط الخارجية. انت بتربط الموقع بتاعك او مقالاتك بتربطها بمقالات تانيه . وطبعا ده بيحسن من ظهور الموقع فى محركات البحث وبيدى ثقة للموقع بتاعك وجوجل ان الموقع بتاعك موقع ذو اهمية وفايدة.

طيب يعنى المطلوب منك انك تاخد المقال بتاعك او موقعك وتحطه فى اى موقع تانى

 وخلاص . الاجابة لا طبعا لان جودة الباك لينك وقوته بتزيد كل ماالموقع اللى انت واخد

 منه الباك لينك عنده ثقة لدى الزوار بتوعه . وعندة ثقه لدى جوجل ومحركات البحث

 الاخرى . فبالتالى حينقل الثقه دى لموقعك لما تاخد باك لينك منه .

بعض الناس كانوا بيستخدموا الموضوع ده غلط وبشكل سبام فكانوا بيستخدموا برامج لنشر روابط موقعهم بطرق غير شرعية فى مواقع تانية . لكن جوجل بدأ يكتشف ده وبالفعل بدأ جوجل يعاقب المواقع اللى بتستخدم الطرق دي . 

وقال ان الطريقة الوحيدة الصحيحة لعمل باك لينك للموقع بتاعك شرعي وبدون مخالفة هيه انك تعمل محتوى حصري وخاص بيك . وقوي من حيث السيو الداخلي فيجبر المواقع الكبيره على قبول الباك لينك لموقعك وعمل باك لينك لنفسها على موقعك .وان الباك لينك اللة انت بتعمله فى المواقع دى يقدر صاحب الموقع يشوفه ويعدل عليه او يحذفه فى اى وقت .

أنواع الباك لينك لتصدر نتائج البحث جوجل 

الباك لينك له نوعين بالك لينك داخلى وباك لينك خارجي او السيو الخارجي او الروابط الخلفية .
  • الباك لينك الداخلي
هوه انك تربط المقالات بتاعة موقعك ببعضها يعنى كتبت مقال النهارده عن موضوع معين وكان عندك مقال اخر له علاقه بموضوع المقال الجديد فأنت تقدر تربط المقاله دي بالمقاله دي .لو عايز تشوف طريقة الربط شاهد الفيديو.

يعني المقصود بالرط الداخلي او الباك لينك الداخلي انك تحول من مقاله الى مقاله ثانية عندك فى الموقع .عشان تزود مدة بقاء الزائر بالموقع عندك وده طبعا بيخللى جوجل تثق فى موقعك .فكون الزائر يستمر فى تصفح موقعك مده كبيره ويدخل من موضوع لموضوع عشان يستفيد .كده جوجل يفهم ان موقعك بيقدم معلومات مفيده .ويبتدى الموقع بتاعك ياخد ثقة لدى محركات البحث ويعلى فى ترتيبه فى محركات البحث .ده المقصود بالسيو اداخلي او الباك لينك الداخلي .
  • الباك لينك الخارجي 
الباك لينك الخارجي او السيو الخارجي هوه انك تربط موقعك بمواقع تانيه خارجيه .او بتاخد المقالات بتاعتك وتربطها بمقالات تانية فى مواقع تانيه ليها ثقه فى محركات البحث وخاصة جوجل . عشان تنقل الثقة دى لموقعك .

انواع الباك لينك الخارجي لتصدر نتائج البحث لجوجل

طبعا عشان نعمل باك لينك خارجي للموقع بتاعي لازم الاول نهتم بالسيو الداخلي . ونحسن من جودة المحتوى . وايضا عشان نعمل باك لينك خارجي لازم نعمله على مراحل يعنى كل يوم عدد 5 بالك لينك مش اكثر من كده .

  • Blog Comment
المقصود به انى اعمل تعليق بشكل شرعي على مقالات مواقع كبيرة . يعنى مش اى موقع اعلق عليه . عشان كده يلزم ان الدومين اثورتي للموقع ده يكون اعلى من 20 . وطبعا نعرف نجيب الدومين اثورتي لاى موقع عن طريق أداة MOZ .

ايضا لما تروح تاخد باك لينك من موقع لازم الموقع ده يكون السبام سكور بتاعه اقل من 5  وايضا بنعرف ذلك عن طريق أداة MOZ.

ايضا لازم الموقع اللى باخد منه باك لينك يكون بيقدم نفس محتوى الموقع بتاعى يعنى نفس النيتش .ايضا لازم يكون نفس لغة موقعى .ولازم الكومنت اللى بكتبة يكون كومنت مفيد للموضوع اللى هوه كاتبة وأضيف معاه رابط الموقع بتاعي .ودي الطريقة الشرعية اللى نعمل بيها Blog Comment .

  • المنتديات Forums
ازاي ابحث عن منتديات بتقدم نفس المحتوي للموقع بتاعي . ده بيكون عن طريق موقع Drop my link . شوف الطريقة فى الفيديو.

بعد مانختار المنتديات اللى ليها دومين اثورتى عالى وسبام سكور قليل  بتعمل تعليق وتضيف رابط موقعك فيه .

  • دليل المواقع
كل اللى عليك تعمله . انك تبحث على المواقع اللى بتقدم المحتوى بتاعك وساعات تلاقى داخل الموقع مساحه اسمها دليل الموقع .تبدأ تدخل عليه فيقولك ضيف رابط موقعك .

  • الجيست بوست
وده افضل نوع وبيكون مدفوع .ويساعدك فى تصدر نتائج البحث جوجل .يعنى بتدفع فلوس لمواقع تانيه عشان تعمل باك لينك جيست بوست . ايه هوه الجسيت بوست هوه انك تكتب مقال كامل مع مراعاة قواعد السيو . وبتكلم مواقع اخرى عشان تنشر المقاله دى عندهم والمقالة دي بتشير للموقع بتاعك . والنوع ده هوه المفضل وكويس جدا ويفيد موقعك لتصدر نتائج البحث جوجل .

كده احنا خلصنا انواع الباك لينك وعرفنا ازاى نعمل باك لينك شرعي وبطريقة صحيحة .
الى هنا انتهى موضوعنا عن طريقة عمل باك لينك للموقع ومدونة بلوجر و تصدر نتائج البحث جوجل 2022.


google-playkhamsatmostaqltradent